சுவையான தக்காளி தோசை

பச்சரிசி - 1கப்

புழுங்கல் அரிசி - 1/2 கப்

உளுந்து - கால் கப்

நறுக்கிய தக்காளி - 1/4 கிலோ

காய்ந்த மிளகாய் - 6

வெங்காயம் - 1

உப்பு, எண்ணெய் - தேவைக்கேற்ப

* இரண்டு அரிசியையும், உளுந்தையும் 1 மணி நேரம் ஊறவைத்து அரைத்துக் கொள்ளவும்.

* ஒரு கடாயில் என்ணெய் ஊற்றி வெங்காயம், தக்காளி, காய்ந்த மிளகாய் போட்டு வதக்கி ஆற வைக்கவும்.

* ஆறியவுடன் மிக்சியில் அரைத்து மாவுடன் கலந்துக் கொள்ளவும்.

* தேவையான உப்பு சேர்த்து தோசை மாவு பதத்தில் கரைத்துக் கொள்ளவும்.

* தோசை கல்லை அடுப்பில் வைத்து சூடானதும மாவை மெல்லிய தோசைகளாக வார்க்கவும்.

* சுற்றி சிறிது எண்ணெய் ஊற்றி வெந்ததும் திருப்பி போட்டு எடுக்கவும்.

* சுவையான தக்காளி தோசை ரெடி.

* இதற்கு கார சட்னி தொட்டுக் கொள்ள அருமையாக இருக்கும்.

* தோசை மாவு இருந்தால் அதையும் பயன்படுத்தி இவ்வாறு செய்யலாம்.